Núpalind 6 - 2 hæð

Höfuðborgarsvæðið
32.000 kr. (fim-fim)
98 fm 6 rúm
Nettenging
Barnarúm

Innifalið

Ekki innifalið

Sjómannafélagið á fjórar íbúðir í fjölbýlishúsi að Núpalind 6 í Kópavogi sem er í hinum nýja kjarna höfuðborgarsvæðisins, steinsnar frá hinni glæsilegu verslunarmiðstöð, Smáralind.

Íbúðirnar eru 98 fm að stærð, þriggja herbergja og staðsettar á 2, 3, 4 og 6. hæð hússins. Íbúðirnar eru búnar öllum þeim þægindum sem góðum orlofsíbúðum sæmir. Nýlega er búið að taka allar íbúðirnar í gegn. Íbúðirnar eru til útleigu fyrir félagsmenn árið um kring en gott er að panta með góðum fyrirvara.

Svefnstæði í íbúðinni eru fyrir 4 og svo er 2 manna svefnsófi í stofu. Öll helstu heimilistæki eru í íbúðunum, borðbúnaður fyrir 10 manns, þvottavél, þurrkari, ungbarnarúm svo fátt eitt sé nefnt.

Leigendur verða að koma með sitt lín sjálfir, þ.e. lín utan um sængurfatnað og handklæði. Diskaþurrkur, borðtuskur og gólftuskur eru til staðar í íbúðunum. 

Leigutímabil íbúðanna er frá kl. 17:00 á fimmtudegi til kl. 13:00 næst fimmtudag á eftir. Fari svo að leigjandi nýti sér ekki að vera allt tímabilið er mjög áríðandi að láta skrifstofu félagsins vita um það.

Stranglega bannað er að reykja í íbúðunum og bannað að vera með gæludýr.

Leigutími: Allt árið
Sækja þarf lykla á skrifstofu félagsins