Rafræn atkvæðagreiðsla um ótímabundið verkfall
19.sep | 2016
Allir atkvæðisbærir félagsmenn í Sjómannafélagi Eyjafjarðar fá sent bréf um framvindu samningaviðræðnanna við SFS auk leyniorðs sem nota má við atkvæðagreiðsluna.
Félagsmaðurinn fer inn á heimasíðu Sjómannafélags Eyjafjarðar og smellir þar á mynd sem á stendur:
Atkvæðagreiðsla um ótímabundið verkfall
Þá opnast þessi gluggi sem eftir innskráningu opnar leið að atkvæðaseðli
Hægt er að auðkenna sig/skrá sig inn til að greiða atkvæði með því að slá inn kennitöluna sína og síðan leyniorðið sem viðkomandi fékk sent í kynningarbréfinu. Einnig er hægt að auðkenna sig beint með innskráningu á island.is þ.e. með Íslykli eða rafrænum skilríkjum á farsíma. Þeir sem týna bréfinu með lykilorðinu og þeir sem kært hafa sig inn á kjörskrá geta einungis greitt atkvæði með innskráningu á island.is.
Opnast nú Atkvæðaseðill Þar er merkt í Já eða Nei eða Skila auðu og atkvæðinu skilað með því að smella á „Skrá atkvæði“.
Félagsmönnum sem telja sig eiga rétt á að kjósa en fá ekki bréf eða tölvupóst um kosninguna, er bent á að hafa samband við skrifstofu Sjómannafélags Eyjafjarðar í síma 455-1050 eða senda tölvupóst á konrad@sjoey.is eða eydis@fvsa.is með upplýsingum um nafn og kennitölu.
Þeir sem kæra sig inn á kjörskrá geta einungis kosið með Íslykli eða rafrænum skilríkjum.